作為瑞士名錶IWC中國同香港代理嘅Daniel陳正欣，戴錶都揀自家品牌，早前佢以保良局總理身份出席午宴時就戴上IWC最經典嘅「葡萄牙系列」。賣廣告？非也！Daniel話未代理呢個品牌前，就已經鍾意IWC嘞。
Daniel係錶界資深人物，更加係卡地亞中國代理，睇名錶嘅時間比翻閱雜誌仲要多，鑑賞觸覺由此而生。不過佢唔鍾意花巧，IWC腕錶簡潔高雅，最合佢心意。
呢日佢戴上價值八萬多元嘅IWC葡萄牙腕錶系列，呢條line係IWC最優美腕錶之一，早已成為錶壇經典。佢話最獨特之處係錶面有上鏈提示計，話畀錶主知仲剩番幾多日就要上鏈喎！
錶迷都鍾意研究手錶機械零件，Daniel亦一樣，仲翻轉隻錶畀記者透過玻璃錶底觀察擺鉈同精密嘅機芯設計。