從政可能是不歸路，胡志偉的那條路有家人全力支持，走至今日從無後悔過。他讀中二的兒子，兩年前更夥拍他拍攝宣傳海報，在立法會選戰大打溫情牌，而從事配音工作的太太則以靚聲力撐，在他的宣傳短片力sell老公。
不過，兒子已經說好，倘若他下次參選，將不再粉墨登場，「佢話『冇得傾』！費事返學畀人問長問短。」談起兒子，這位政治人物不自覺地流露出一副慈父神情。
其實，兒子受他薰陶下，對時事都頗有觸覺，至少不會政治冷感，「我哋會一齊討論，但個仔都有自己一套諗法，我依家講道理都愈講愈短。」胡志偉教仔也帶民主色彩，「升中學揀學校，都係佢自己排志願，我只係畀意見。家長唔可以幫佢揀硬Band 1學校，要尊重細路仔嘅睇法。」