鄧詠琪與父親鄧偉彬，堪稱最佳拍檔，儘管他們的做生意手腕南轅北轍。Vicky形容父親是商場「硬漢子」，講價絕不手軟，堅決不頂爛市，每次父親與顧客談到面紅耳熱，就輪到她出場。

學習日本人待客之道

如果爹哋的硬攻唔得，Vicky就用軟攻：「我會將心比心聽客人的資金困難，我主張貨如輪轉，如果平少少做得成生意，我唔介意減價㗎！」Vicky的親切態度，原來一切師承日本。入行前，她曾於日本修讀語文，同時在一間皮草廠做兼職，日本人的禮貌令她嘆為觀止：「佢哋對客人會鞠躬、斟茶，我學識禮貌令人舒服，將呢種待客之道帶來香港。」

與父親感情要好，但總有時會頂頸，她更曾因此而想過劈炮唔撈：「都係為價錢而拗，當然最後大家係好番！」現年三十八歲的她，不急於結婚生子，享受現時自由的生活，「感情寧缺勿濫，以前太緊張工作，依家學識豁達，得閒睇股票、游水、騎馬，我會一星期三日都去「雙魚河騎術學校」練習騎馬，朝早七點練到夠鐘返工！好開心！」

家人原來也有共同興趣，「騎馬啦！又或者到馬場觀賞賽馬，我哋擁有嘅『魅力系』馬匹，出賽成績唔錯㗎！」