身為劉應東師傅嘅匯賢智庫立法會議員葉劉淑儀對於今次滑鐵盧有感而發：「人哋集中火力，我雙拳難敵四手呀！」佢話泛民陣營唔單止公文袋元老空群而出，就連白鴿黨都派咗好多核心嚟助選。咁點解唔搵建制派政黨幫手呢？佢話為咗保持佢獨立嘅形象喎！

咦！咁係咪佢都要歸番做建制派對選舉先有利呢？咁就真係好睇佢點諗喇。但問及有冇影響佢對下屆立法會「超級區議會議席」嘅部署，葉劉就斷然話冇，仲話呢次只係區議會補選啫，又唔係普選，情況好唔同嘅。