有市民向本報投訴，指梁國雄領取立法會巨額薪津之餘，繼續居於受政府資助的公屋單位，「之前啲名人發迹後仍然保留公屋作風水屋，都畀人鬧到死，最後要交番間屋出嚟，佢之前無錢就住公屋啫，依家佢身為立法會議員，已經脫貧，點解仲繼續住公屋？」

投訴人又批評梁國雄「口口聲聲關注民生，但無視仍正輪候公屋的逾十萬人居住需要」，「出面有好多人搵得萬幾蚊捱緊六、七千蚊貴租，點解佢唔顧吓人哋嘅感受？」

辯稱下次未必當選議員

梁國雄現居於九龍灣啟業邨十三樓一個單位，面積二十三點三平方米，可供編配二至三人居住，同類單位月租為八百七十二元。他接受本報查詢時承認現正繳交雙倍租，但強調議員並非一份工作：「我係市民選出嚟嘅，為市民辦事，而且下次未必選到，冇理由要我交番間公屋出嚟，搬來搬去。到我搬走去住私人樓，又有人話我做議員望發達，我一笑置之！」

梁國雄認同有錢人不應住公屋，富戶政策要全面檢討，最重要是多建公屋，租金不能常加。他自言每月都捐出四萬元成立基金支持社運活動，基金由友人管理。

對於市民的投訴，他稱「咁你畀佢個電話我，又或者叫佢直接打畀我，我唔想隔住記者對話！」他又謝絕記者家訪，因屋企好亂。

房署發言人表示，由於涉及私隱，不會評論個別住戶情況，但該署並無發現梁國雄的單位有被濫用，因此不會收回。