富臨以鮑魚聞名天下，但Lily話如果請客梗會點鮑魚，若果係自己嚟食就鍾意清淡啲。當日佢叫咗煎馬友鹹魚送白粥，再加埋一煲至愛嘅蝦乾雜菜煲，好味又惹味。

Lily同楊貫一夫婦以及富臨嘅員工好熟，個個都好親切咁叫佢「陳太」。佢笑住話鍾意富臨畀到佢好舒服嘅感覺，佢鍾意下廚減壓，所以經常請教楊貫一點樣煮嘢，依家已煮得一手好餸。