扮嘢文以前已經扮過殭屍、紙紮公仔、鬼新郎同中國皇帝等角色，為咗迎接下個月哈囉喂活動，佢尋日花咗三粒鐘接受3D易容特技化妝同換衫，終於以孟婆造型現身。應邀去海洋公園採訪嘅記者，期間被安排過「奈何橋」飲「孟婆湯」，仲同孟婆合照，但全部都唔知派孟婆湯嘅竟然就係扮嘢文，到後來佢一手戙住拐杖、一手拎住碗湯，仲寒住背咁現身宣傳活動，大家至恍然大悟。

雖然佢扮嘢扮到上癮，但佢都話身為主席，每年萬聖節都要諗吓做啲乜，真係好大壓力，但今次孟婆造型好成功，就算化妝換衫用咗三粒鐘都係值得喎！