原來幾年前阿John喺新加坡食過胡椒蟹後念念不忘，於是同佳寧娜廚師經過五、六次反覆試驗後，終於炮製成功，難怪佢笑稱呢道菜式係佢發明嘅。

灣仔佳寧娜呂店長話大約年幾前同John一齊研究切磋，經過多次失敗後，依家係選用肉質厚、約一斤重嘅花蟹，伴以乾葱、紅椒、胡椒同紅椒角等佐料，放喺開咗蓋嘅瓦罉烹調，再佐以玫瑰露同埋花雕，咁就味道一流。