【本報訊】本月四日剛度過生日的陳潤傑為顧家「乖乖仔」，如今雙親白頭人送黑頭人，父親泣說：「囝囝好乖，知屋企得我一個人做嘢，細佬又要讀書，就話去搵工，點知搞成咁！」為協助陳家辦理後事，太陽報愛心基金已從「無力殮葬」專戶撥款兩萬元以解燃眉之急。
陳父嘆謂：「佢（事主）話唔係幾開心，我就叫佢睇開啲，點知最後佢揀咗呢條路！」人已離世，陳父希望兒子能遺愛人間，已通知社會福利署願意捐出兒子一對眼角膜，「雖然囝囝走咗，屋企人都好傷心，但我都想佢有啲嘢貢獻番個社會，幫助有需要嘅人！」
任職水喉維修技工的陳父月入一萬元，原本兩父子工作，尚可維持一家四口生計，卻難有積蓄，故為兒子殮葬費惆悵不已。太陽報愛心基金了解陳家情況後，即時從「無力殮葬」專戶撥款兩萬元，協助陳父辦理兒子後事。
此外，死者最近一份工在大埔大美督一間泰式餐館當侍應，有認識他的員工透露，陳僅做了五日，上周日以讀書為由辭職，對他自殺身亡感惋惜。 捐款編號：911989