日前喺會展舉行嘅「台風星光影展」慈善首映，係由光華新聞文化中心、博愛醫院同曙光影視發行公司聯合舉辦嘅，由九月四號至十一月止，合共十一部台灣電影將安排喺兩間戲院放映，部分票房收入將捐畀博愛醫院，用於支援自閉及學習障礙兒童嘅服務。當晚台灣駐港機構空群而出，光華新聞文化中心主任羅智成打扮得官仔骨骨，同佢平日好唔同，睇嚟做善事心情係唔同啲嘅。
博愛醫院一眾高層亦攜伴出席，主席黃帆風伉儷、副主席湯修齊夫婦都現身盛會。
羅智成話籌備緊一年一度嘅「台灣月」活動，望將多元化嘅台灣文化引入香港，加深港台文化交流。
