每每出嚟宣布停課

曾醫生為市民健康把關嘅形象深入民心，事關佢每次都會出嚟匯報傳染病嘅進展同教市民點樣預防，市民見親佢就不期然聯想到傳染病。日前佢知主辦機構會放映有關自閉症嘅電影，所以好鬼馬咁主動澄清，叫大家千祈咪誤會，自閉症唔係傳染病。佢話平時同博愛醫院有好多合作項目，例如針灸戒煙計劃等，大家坐埋一條船，所以幾忙都要嚟支持。

近排衞生防護中心又開始頻密提醒大家預防流感、手足口病，事關九月係傳統嘅流感高峰期，加埋學生開課後高密度聚集，令爆發傳染病嘅風險增高。曾醫生講講吓忍唔住笑，話好多小朋友封咗佢做偶像。點解？因為佢一企出嚟講嘢，好多時就係宣布停課囉！