接手王鳳超工作

廖暉退休嘅傳聞一直甚囂塵上，盛傳喺政改一役中擔大旗同民主派溝通嘅李剛，都係人選之一。早幾日李剛出席活動時仲笑對呢個傳聞，話冇人話畀佢聽新任命，點知尋日全國人大常委會就通過李剛做基本法委員會委員。

中方消息解釋，呢次只係正常人事調動，事關王鳳超擔任基本法委員會委員一職，佢原本係中聯辦副主任，依家退下火線，由李剛接手佢嘅工作，李剛梗係順理成章入埋基本法委員會啦，只係呢個任命喺程序上必須由全國人大常委會通過，所以放咗喺今次人大常委會嘅議程。至於基本法委員會正副主任同其他委員，則維持不變。