聲線宏亮的朱沛坤，自小喜歡唱歌，中學時於學校歌唱比賽中一鳴驚人勇奪冠軍，復被樂隊邀請為主音歌手，自信唱功了得，一度想以賣唱維生，但在父母反對及受友人「聲」途坎坷影響下，才打消當歌星的念頭。他憶述：「試過幫朋友到酒廊『頂更』唱歌，啲人都唔係聽歌，又猜枚、又飲酒，感覺好難受！」

寄語年輕一輩勿練精學懶

朱沛坤中學畢業之後，曾到廣告公司做暑期工，對廣告創作產生濃厚興趣，打算入讀浸會書院（現浸會大學）傳理系，惜中、英文成績未達標而被拒諸門外，卻又因數、理成績不賴，獲建議報讀土木工程系，父母當然舉腳贊成，他亦順理成章踏上工程師之路。

「喺英國讀碩士嗰年，係我人生中最勤力讀書嘅一年，驚讀得唔好，冇面返嚟見江東父老，哈哈！」朱爆發連串笑聲，並自豪地說當年碩士成績除是全級第一外，更是多屆畢業生中最優秀。返港後他入職英資顧問工程公司，由於土木工程涉及範圍又闊又廣，「起樓、起橋、道路、隧道，樣樣都關土木工程事，好多嘢要學」，所以要瞓身工作，更過了近十年年中無休的日子。朱寄語年輕一輩的工程師不要「練精學懶」，「樣樣計較，就唔會瞓身去做，唔瞓身，成功嘅機會係零！」