本文重點
茵茵手術成功，前日康復出院，返回家中第一日已蹦蹦跳，玩至晚上十時才入睡，但仍需間中使用吸痰機清痰，整晚陪伴在旁的蔡太笑說總算有驚無險。患有先天性單邊肺部發育不全綜合症的茵茵，早前在太陽報愛心基金及東方日報慈善基金協助下完成植入支架手術，並購置各項醫療儀器助茵茵回家休養，現時進展良好。
茵茵現已大致康復，但家中仍需備有呼吸機、加濕器、抽痰器等醫療儀器，以防病情有變。前晚茵茵在家中「過夜」時，父母均十分緊張，不斷監察茵茵的情況，蔡太說：「茵茵返到嚟第一晚都有啲氣促，瞓覺嗰陣隔幾個鐘就會醒，要用呼吸機！不過瞓醒又冇咩事，仲對我哋笑添！」
家居打掃乾淨防感染
由於家居始終有別醫院，沒有醫護人員看顧，蔡太直言全晚均心驚膽戰，但有信心可以好好照顧茵茵，「唔只我同老公，婆婆同家姐都會全天候睇住佢，仲會將屋企打掃得乾乾淨淨，唔好畀佢受感染！」
茵茵住院期間，經常因不肯飲奶而令醫護人員煩惱，但回家後對奶樽的抗拒已大減，胃口亦大增。然而，茵茵偶然仍會因痰多而嘔奶，弄至滿面通紅，令蔡太及婆婆手忙腳亂，忙不迭取出吸痰機為茵茵清痰。
茵茵將於明天返回廣華醫院覆診，蔡太準備向醫生報告有關情況，以便設法讓茵茵「食得舒服啲」！