康哥旗下嘅翠華都有賣雲吞麵，點解佢反而支持人哋呢？康哥好淡定咁答：「佢哋唔錯！」佢話，正斗不止食物質素保持得好好，又有自己一套經營準則，唔會同人哋鬥平，所以佢好欣賞，答得妙，又冇貶低自己。

講到自己嘅口味，佢話自己平時咩菜都啱食，尤其是日本菜，貪佢健康啲，總之口味好廣泛。近排佢都喺自家餐廳提倡健康飲食，盡量唔用添加劑、用少啲色素。依家翠華喺全港已經有二十間，上海有兩間，今年稍後就會喺澳門開分店。