余Sir話，佢八十年代搭英航喺香港首航到北京嘅航班，點知一入咗內地，就畀人騎劫並且挾持去台灣。無端端畀人挾持，個心又點會唔驚？不過慌忙間佢都仲冷靜盤算有咩事就即刻趴低，好彩最後都平安着陸台灣。

雲維熹去巴西請保鏢

余Sir近排湊孫為樂，仲幫孫仔改咗個好有意思嘅名，余Sir叫錦基，有根基嘅意思；仔仔就叫仲行，代表兩父子一齊行、接力嘅意思；至於孫仔就叫立峰，佢希望立峰做人有宗旨，能夠回饋社會，亦可以開心啲同舒適啲，認真係好爺爺。

至於雲維熹喺賽車界甚有名望，所以出Trip都同賽車分唔開，早幾年佢去巴西睇賽車同旅遊個幾星期，因為嗰邊嘅治安麻麻，貧富區只係一街之隔，所以特別請咗個保鏢跟身，以策安全。