香港旅行團到馬尼拉旅遊被挾持釀成慘劇，各界炮轟菲律賓警方救人不力。財經事務及庫務局局長陳家強同立法會保險界議員陳健波，尋日不約而同戴上深色領呔哀悼死傷者。陳家強直斥菲律賓政府處理事件手法「好有問題」，陳健波就批評當地特警好唔專業，個個肥騰騰，雞手鴨腳，原本喺車尾太平門成功進入後又落荒而逃，處理得好差。
陳健波憶述十年前曾到過馬尼拉參加保險會議，印象都係一般，事關飯店門外有人持槍把守，去參觀博物館時，門外又豎立告示牌，叫參觀者入場前把槍械放低，後來至知道原來周街都有槍械咁危險，而且貪污嚴重，總之感覺唔係咁好，所以冇乜事都唔會再去菲律賓。
