林順潮昨表示,該學系○六、○七年調查八百多名二至六歲的幼稚園學童,結果發現百分之六點三有近視,即近視度數達一百度或以上;九六、九七年同類研究只有百分之二點三兒童有近視,換言之,幼稚園學童近視比率在十年間飆升近兩倍。近視兒童的平均度數亦由一百五十七度,加深至二百二十二度。
林順潮指,兒童愈早近視,最終近視度數會愈深,眼球持續拉長,增加各種致盲眼疾風險,包括視網膜穿孔甚至脫落、黃斑點變弱及出血、白內障及青光眼等。他擔心近視「年幼化」長遠會令各類眼疾亦趨向年輕化。
逾600度屬「惡性」
養和醫院眼科專科醫生陳偉民指出,近年接獲幼童近視個案確有增加,出現「早咗有、度數深、加得快」等趨勢。他約一周前為一名兩歲半兒童首次驗眼,已驗出三百度近視,亦有不少兒童剛入讀幼稚園已有三、四百度近視。部分兒童近視加深速度快,每年加一百五十至二百度,甚至剛升讀中學已突破一千度。
陳偉民指不少家長得悉年幼子女近視後顯得十分擔憂,甚至絕望,「有家長拎晒啲教科書逐版影印,將啲字放大畀小朋友睇。其實家長過度緊張,反而對小朋友造成壓力。」
香港執業眼科醫生會會長周伯展指,近視可分為「良性」及「惡性」,良性通常少於六百度,發育完成後不再加深;惡性的則會一直加深至逾六百度。他擔心兒童提早近視,增加演變成惡性近視及併發眼科疾病風險。他近日接獲一名九歲男童因視網膜脫落求診,家人均有深近視,男童升讀小學前已有八百度近視。男童雖未至於失明,但手術後視力無法完全恢復。
三歲後應定期驗眼
兒童近視趨嚴重,林順潮指父母遺傳是其中一個因素,但護眼意識薄弱亦是肇因,「睇嘢時放到好埋,又無適當休息,好多小朋友搭車都打遊戲機,對眼睛負荷好大。」他指閱讀時雙眼應與文字保持至少三十厘米,用電腦時應相距七十厘米,每隔三十分鐘讓眼睛休息三十秒並望向遠方,適量戶外活動亦有助減低患近視機會。
有家長以為配眼鏡時不應配足度數,否則令近視更快加深,他指純屬謬誤,「如果眼鏡度數唔啱,小朋友睇嘅影像唔清晰,反而刺激眼球,拉長得更快。」他建議家長在子女滿三歲後帶他們定期驗眼。
家長仔女都話煩
王太(子/七歲)
囝囝讀幼稚園時已懷疑佢睇嘢唔清楚,到升小一要睇黑板時帶佢去驗,先確實近視。依家惟有成日提醒佢寫字同睇電視嘅姿態,同埋多做眼部運動,減輕近視加深風險。
葉太(子/五歲多、女/十歲)
囝囝同家姐都係細細個就發現有近視,囝囝已經有三百幾度,換到第三副眼鏡;家姐更加已經有六、七百度。好多人都話小朋友近視有遺傳因素,但我自己近視唔深,所以都唔明點解會咁。仔女都話戴眼鏡辛苦,惟有幫佢哋做好護眼措施。