基本法推介聯席會議尋日搞咗場全港大專生辯論賽，請咗熟悉《基本法》嘅珠姐擔任評判。由於大會係辯論極具爭議嘅功能組別存廢問題，好多人都期待珠姐發表吓高見，點知佢竟然放飛機，莫非辯題太敏感，佢刻意避席？原來珠姐早前做咗白內障手術，可能因為仲係有啲唔舒服，所以前晚十點臨時急call主辦單位話嚟唔到。與珠姐同為港區全國人大代表嘅基本法推介聯席會議主席李宗德就話，本來珠姐好堅持要嚟，但佢就勸珠姐留番喺屋企，多啲休息好過喎！