「唔得！」

擦鞋匠：「放條生路吖阿Sir，我就快有牌o架喇！」

「唔得！」

老婆婆：「放條生路吖阿Sir，我雖然無牌擺賣，不過唔係好阻街啫，我跪地求饒吖！」

「唔得！」

一而再，再而三，不近人情的食環署欺凌老弱，硬是心狠手辣趕絕自食其力的小販，連怒呼「要拉阿婆先拉我」的仗義伯伯也不放過，扣之以普通襲擊罪。法官若然有意力挽狂瀾於既倒，一洗包致金姪女摑警摑到司法失分之頹風，以下是值得借鏡的故事。

有牌雪糕仔朱仲華被食環署檢控無牌售賣珍寶珠，法官溫紹明先是質疑署方胡亂檢控，繼而輕判罰款百元了事，還好言鼓勵：「夏天行到熱，見到你會好開心，下次去尖沙咀希望可以幫襯你。」溫官果然信守承諾，數星期前親自探望雪糕仔，幫襯五元買了一樽蒸餾水，再次好言鼓勵：「唔好洩氣呀，要努力做嘢！」

由此可見，法官不一定只懂輕饒權貴，對待弱勢小販亦有人性的一面。要是這次跪地求饒也無法逃得過食環署魔掌的老婆婆能夠遇到同類法官，不但輕判罰款了事，而且身體力行幫襯，司法評分可望止跌回升。問題是，高高在上的法官大人會否覺得忠言逆耳？甚至視之為說三道四影響司法？

林創成：「放條生路吖阿Sir，唔好告我藐視法庭吖！」