雖然Jason依家卡片上仲係印住董事頭銜，但係仲有半個月度就坐正，佢接班如果想要獲得外界掌聲，自然要付出比一般人更多嘅努力，佢都明白呢個道理。

喺爸爸嘅悉心安排下，Jason已經開始涉獵社會公職。佢同時出任中華總商會、潮州商會嘅會董兼青年委員，係工商界不可忽視嘅生力軍。啱啱接班就咁忙碌，好彩佢好識得平衡，佢話自己鍾意打籃球，就算工作幾忙都好，又會盡量抽空健身，加上經常同屋企人保持溝通，又或者把臂外遊，佢有壓力都唔會係孤軍奮戰啦！