本文重點
被街坊暱稱「肥仔邦」，任啟邦毫不介意，還樂於帶着十個月大的兒子「小肥邦」四出見街坊。他去年與任職採購員的女友結婚，不久誕下兒子樂桁，說起兒子他便興奮：「做區議員好難有休息時間，有時星期六、日都要出席活動，我就會帶埋個仔出去見吓世面，等佢大膽啲，唔好咁怕醜，我亦順道可以享天倫樂！」
唔會強迫兒子入名校
時下父母都大力催谷子女，但他不會給兒子壓力：「Playgroup都會參加，但唔會強迫佢學呢樣學嗰樣，亦唔會一定入名校。不過語文好重要，第時會畀佢學英文同普通話。」
問任啟邦想不想再戰立法會，他說：「係有呢個諗法，但撇除黨是否支持，錢亦好重要，選舉涉及大筆經費，依家有老婆有仔，唔通按咗層樓去參選咩？」如能進身立法會，他最想改革房屋和醫療政策：「畢竟呢啲問題，區議會層面冇得搞。」