17/08/2010

播放本新聞相關短片

Sun世代:大埔票王 作反有理

政改一役,民主黨四分五裂,大眾只關注鄭家富退黨,其實任啟邦亦辭去該黨中央委員一職。外表胖胖的任啟邦是民主黨大埔「票王」區議員,曾在○八年立法會選舉排在鄭家富之後參選,原是黨內明日之星,現在公然「作反」,前途可能係咁先,但他不在乎:「辭職係對黨失望同不滿,做落去亦冇意思!」 文:李嘉怡 攝:吳君豪

三十二歲的任啟邦已做了七年大埔區議員,○三年首次當選便以三千多票成為「票王」。事實上,民主黨一直悉心栽培他,九九年他二十一歲,還是大專生,已讓他出選,他亦僅以些微票數落敗。

○八年當選中央委員,成為黨內核心,同年排在鄭家富之後參選立法會,每有辯論發言,鄭家富都讓路予他發揮,雖然最終他無法當選,但他心存感激:「我做阿富嘅助理出身,喺佢身上,我學到堅持,只要對大部分市民好,就算有人反對,都要企硬。」

民主黨轉軚支持政改,鄭家富退黨前也有向他「單一聲」,他隨後辭去中委一職:「我覺得讓步係咪太多?有啲堅持係咪冇咗?辭職係對黨不滿,唔係阿富走我先咁做,不過冇咗志同道合嘅人,做落去亦冇意思。」他想過退黨,但始終有感情:「黨內冇晒不同意見嘅人,唔係好事。」他不擔心政治前途,因為有些事情必須堅持,他打趣道:「依家仲好啦,多啲時間湊仔!」

出身基層家庭的任啟邦,父親很關心時事,耳濡目染下,自小已對政治感興趣:「九七回歸我讀緊中七,同學掛住迷偶像,我就年年參加六四集會。」他中學時代已在大埔居住,九八年自薦加入民主黨,自此一邊讀書、一邊跟隨鄭家富打天下。他在城大畢業後負笈英國讀大學,後來又回港,在中文大學完成碩士學位。○一年回港做過物業管理,但最愛還是從政,自○三年當選後,便全職服務市民至今。

做區議員,最大滿足是和街坊建立真感情:「成功爭取鋪條路出嚟,固然係實質睇到嘅成果,但最難忘係幫到街坊。最記得有個婆婆,佢老公過咗身,房屋署即刻發信收番單位,婆婆喊住咁搵我,我幫佢打兩個電話、發封信,最後房署都冇收個單位。其實我做嘅嘢好簡單,但婆婆知道後開心到喊,依家仲會煲湯畀我飲,令我明白到,唔係做啲好勁嘅嘢先叫做政績,人與人之間嘅感情先係最珍貴。」

任啟邦小檔案

年齡: 32歲

學歷: 城市大學公共行政及管理學系高級文憑

英國赫爾大學社會政策學學士

中文大學社會學碩士

現職: 全職大埔區議員