喺一眾嘉賓當中見到鏞記酒家董事總經理甘健成，就算佢同細佬嘅清盤官司仲未了結，佢都抽身同囝囝甘崇轅嚟撐足全場。官司進展如何？佢就笑住好客氣咁話唔講喇！

好耐冇蒲頭嘅良哥，由於患上初期嘅柏金遜症，成個人清瘦咗，但仍然好精神，見到咁多老友嚟支持，顯得好開心。原來良哥今年啱啱成為英國侯城大學MBA商管碩士，已經六十九歲都仲堅持終身學習，佢嘅精神感染咗尋日一眾嘉賓。