工聯會啱啱喺十三號至十五號搞咗個湖南高鐵團，由會長鄭耀棠做團長，邀請廣東社團總會王國強等幾個高層成員參加，由中聯辦主任彭清華做榮譽顧問，工聯會核心如黃國健、王國興同理事長吳秋北等亦隨團，加上會員連家屬共一千人。據稱，湖南當地政府官員都話從未試過接待咁大陣容嘅民間訪問團。

訪問團試過湖南最出名嘅辛辣菜式，亦有遊覽過毛澤東故居，但兩個KK不約而同話最難忘都係坐高鐵。由於團員成一千人，一列八卡高鐵根本坐唔晒，於是鐵路部作出破天荒安排，喺一列高鐵後面再扣多一列高鐵，兩架高鐵一齊極速滑行，別有一番感受。