「好似發緊夢咁，過去呢廿幾日，所有嘢都發生得好快。」蔡太憶述約一個月前向本報求助，籌募赴台治療經費，初時心情仍飽受這次女兒的遭遇煎熬，「好似每一日都過得好慢咁，一直喺度等消息，好想時間快啲過。」本報報道茵茵病況後，隨即引起廣大讀者共鳴，各方捐款如雪片飄至，令蔡家感到前路再現曙光。

經各方努力籌劃下，茵茵終在本月二日踏上赴台治療之程，蔡太指茵茵抵台時身體狀態仍然不錯，只是對陌生環境不太適應。就在茵茵父母滿以為難關即將過去時，茵茵卻在手術前一天的深夜突然發高燒及呼吸困難，緊急檢查後證實患上肺炎，需緊急置入支架，「嗰一刻真係好驚，好心痛。」

感謝讀者捐款救命

幸手術最後順利完成，「記得手術之後兩日，我喺床邊瞓着咗，一睜開眼就見到茵茵對住我笑，仲好活潑咁郁嚟郁去，對腳仔踢吓踢吓；佢去咗台灣咁多日都無笑過，到嗰一刻我就知佢身體已經舒服番。」

蔡太指今次全賴廣大善心讀者慷慨捐款，茵茵才可順利康復，他們已剪存連日來有關茵茵的報道，待茵茵長大後，必定會讓她細閱剪報，並告訴她這段不平凡的經歷，讓女兒學懂心存感恩，日後回饋社會。