本文重點
「畀人困喺差館之後成一年，兩個仔都仲發噩夢，情緒好唔穩定！」華叔表示，兒子經歷十七小時「嚇餐飽」後，至今留下永不磨滅的後遺症。註冊臨床心理學家朱嘉麗表示，幼童已開始有認知能力，會對「突變」遭遇留下深刻印象，但驚嚇遭遇對青少年心理影響更甚，「佢哋正值形象塑造階段，呢啲衝擊會打擊佢哋信心，甚至改變性格！因為佢哋未有能力解決困難但記性強，心內嘅恐懼會纏擾好耐！」
心理創傷後遺 「食唔安坐唔樂」
朱嘉麗指出，此類心理創傷可致短期後遺症，包括會於一個月內「食唔安坐唔樂」，心神恍惚，部分更如驚弓之鳥，「可能開鐵閘大聲啲都會驚到震晒！」她更指若患上長期壓力後遺症，會衝擊其舊有觀念，如對警察厭惡及驚慌。她建議家長引導心理創傷的孩童重複講述事件，沖淡負面感覺，若情況持續則應向社工及心理醫生求助。