24小時瀏覽記錄

政情：樓神冧莊掌常州商會

有「樓神」之稱嘅長實執行董事趙國雄尋日忙個不停，事關佢家鄉江蘇常州市市長王偉成帶團來港招商，兩年前啱啱成立嘅香港常州商會就趁呢個機會舉行新一屆會董就職典禮，樓神冧莊再做會長。

最難得嘅係平時甚少露面嘅樓神太太趙譚惠冰，都有嚟撐老公，講起佢老公想搵人唱戲賀六十大壽，問趙太有冇幫手籌備，佢聞言笑謂：「我唔知，由佢自編自導自演！哈哈！」