【本報訊】林兆鑫在懲教署監管的中途宿舍住了約一個月，他稱自從離開馬坑監獄後，真正感受到「自由係最可貴！」說到現時的衣食住行，他自嘲：「我放監喎！咩都好食㗎啦！」對於中途宿舍，他感覺「呢度好好多！」又指好享受每天乘巴士及地鐵，因為有冷氣好舒服。
對於現時的生活，林說：「好耐未試過好似依家咁悠閒。」問他為何不坐私家車上班，他豁然笑道：「唔需要啦！我依家先知香港交通咁方便，我好enjoy（享受）坐地鐵巴士，有冷氣又舒服，好過入面（宿舍），好熱好多蚊，啲蚊好大隻，我都唔係好瞓到。」
林稱與宿舍的室友相處融洽，但他平日多數「聽多講少」，有時會一起分享室友從外面帶回來的食物。記者發現他身穿的白恤衫光潔如新，且領口和袖位非常燙貼，問他誰負責洗燙時，他即鬼馬地只笑不語。