馮驊為劉應東解圍

南區區會補選尋日舉行簡介會，兩名候選人首次正面交鋒。司馬文喺會上問選管會主席馮驊「獨立候選人」嘅定義，顯然衝住強調唔係政黨但又積極參政嘅匯賢智庫而嚟。馮驊就話，「獨立」即係冇政黨背景嘅意思。司馬文咬住唔放再追問，馮驊就輕描淡寫咁講咗句：「It's generally understood（這是大家都很明白的）。」變相為劉應東解圍。

有份撐場嘅匯賢智庫主席葉劉被寸當然唔多高興，佢話匯賢智庫既唔係政黨，劉應東亦只不過係義工，唔明有乜嘢咁唔「獨立」，又批評司馬文未開波就成日發表針對性言論。

點知話口未完，劉應東又寸番司馬文，話佢可能因為比較老，喺街上拉票時都比佢早收工喎，似乎互不相讓，睇嚟好戲仍在後頭！