網民：炒車做硬飛人

有網友在討論區上載一張題為「危險動作—呢啲咁嘅父母」相片，相中一輛行駛中的私家車內有兩名女童站立，並將身體伸出天窗外。大批網民留言批評，「炒車對細路女做硬空中飛人」，「去長隆自駕遊睇動物先至會，喺香港就……」有網民更直指「呢啲情況出咗事，我絕對支持保險公司唔賠錢。」

根據《道路交通條例》，私家車乘客須佩戴安全帶，否則即屬違法。除電車及巴士下層外，司機或乘客在移動中的車輛站立亦屬非法。國際專業保險諮詢協會會長羅少雄指出，根據汽車保險合約條款，司機或乘客如做出不合法行為而引致意外，甚至引致其他車輛有所損毀，保險公司不會賠償。