「五散人」之一、廠商會嘅立法會議員林大輝，上月底同家人去咗福建一趟，玩足四日三夜。內地地大物博，點解佢揀福建呢？佢解釋喺廠商會裏面，會長黃友嘉同副會長施榮懷兩個老友都係福建人，都不時向佢推介呢個好地方，終於決定成行。
大輝話廈門係好適合旅行同投資嘅地方，因為當地綠化做得好，當地人又友善，加上生活優游同交通配套便利，所以整體感覺好唔錯。
講番今次旅程重頭戲，大輝由廈門搭兩粒鐘車去睇世界文化遺產之一嘅南靖土樓群，仲喺其中一幢樓品嘗農家菜，雖然只係食粗糧、白粥，用嘅器皿亦好樸素，不過食材就極為鮮甜，令人有返璞歸真嘅感覺。
