菁英會向來兄弟齊心，就職禮上，副主席霍啟剛、莊家彬、盧金榮、梁宏正、楊華勇、洪為民齊撐場。一手湊大菁英會嘅Jaime話過去嘅日子，多得兄弟們夠齊心，今年將以顧問身份幫手搞新一屆「博鰲青年論壇（香港）」，主題名為「後危機亞洲發展之機遇與挑戰」，近日正四出物色猛人出席論壇。新主席白富鴻亦大計多多，計劃下月帶隊上京，聯同全國青聯合辦「京港經濟文化論壇」，探討年輕人核心價值。

轉頭撞見三位副局長，對於政府正就佢哋嘅表現展開「中期考勤」，知名度最低嘅環境局副局長潘潔一味背答案話：「盡力做好工作喇！」商務及經濟發展局副局長蘇錦樑就話唔緊張，「做嘢先最重要」；食物及衞生局副局長梁卓偉就話以平常心對待，相信檢討委員會會有公正決定喎！