落街市買餸搵靚食材

當日黃帆風特登設宴慰勞博愛高層，仲推介佢同太太至愛嘅七彩炒肚尖、冬瓜蒸蟹鉗、玻璃明蝦球等馳名菜式同大家分享。黃太識飲識食，講起食經絕不輸蝕畀老公，唔使睇菜牌都可以點成枱餸。佢至愛呢度嘅招牌菜式冬瓜蒸蟹鉗，夠晒清甜消暑，啱晒盛暑時節享用。

冬瓜蒸蟹鉗係桃花源嘅招牌菜。

劉江華咁啱又喺桃花源開餐，佢話午飯簡簡單單就得嘞。

Tim哥見老友黃帆風嚟幫襯，梗要坐低傾番陣，仲大方教路炮製廣東菜三個秘訣：新鮮、簡單同夠熱。佢感慨好多傳統美食正在消失，黃主席好有共鳴，自爆假期經常落街市買餸，尋找買少見少嘅食材添！

博愛近年銳意拓展中醫服務，黃主席喺今年四月上任後，乘勝追擊推出咗好多創新服務，包括全球首創嘅免費針灸戒煙計劃，連內地都未試過添！黃主席話，計劃推出後反應甚好，輪候名單已多達三百人，遲啲佢哋就會公布初步嘅成效。

當日仲見到立法會議員劉江華約咗朋友食飯，佢至愛呢度嘅八寶鴨同埋桂花炒魚翅，但八寶鴨需要提早預訂，佢話午飯簡簡單單就得嘞。