04/08/2010

播放本新聞相關短片

政情：張廣軍每月出糧億億聲

大企業聘用嘅人手多，老闆單係出糧已係天文數字。好似建滔化工集團執行董事張廣軍話齋，佢哋公司喺內地十幾個省市開設六十幾間廠，每月齋「科水」出糧就要兩億人民幣。盤生意咁大，張廣軍八成時間都坐鎮廣州大本營，早前「領呔大王」曾憲梓宴請神舟六子，身為接班人嘅阿仔Ricky曾智明都在場招呼賓客，張廣軍亦抽空出席。

原來張廣軍同Ricky好有緣，除咗同屬客家人外，仲係廣州市政協委員，咁啱得咁蹺，Ricky喺廣州都有寫字樓，大家又經常喺廣州打躉，閒來相約打高球，識得耐咯咪變咗沙煲兄弟囉！