本文重點
談起工作，子煬總興奮得眉飛色舞。擔任社區幹事以來，他的另一個得着，就是陪街坊「一日遊」，居然發現香港原來有很多遊覽勝地。「老實講，依家啲時間唔夠用，自己一啲娛樂都冇！」他摸摸小肚腩，害羞地自嘲說：「連運動都冇做，五個月肥咗二十磅！」所以，每月同班街坊聯群結隊去旅行，成為他唯一的消遣活動。
「姻緣未到 無謂強求」
寓工作於娛樂，原來有意想不到的收穫。「以前讀書，從冇諗過去旅行嘅目的地，會係尖沙咀舊警署、中西區文物徑，又或者係孫中山史蹟徑。而呢幾個月就去晒咁多度，先至發覺香港有好多珍貴文化，我呢個香港仔竟然唔識欣賞。」
一日到黑工作，難道這後生仔無想過再拍拖？「唔係唔想，係緣分未到，無謂強求！」子煬雙眼此時發出蠻自信的目光說，「唔急嘅，我相信那個她，我遲早一定會遇上。」