國泰航空贊助茵母機票

榮總兒科專家今早抵港後，將前往廣華醫院與茵茵主診醫生會晤，了解茵茵最新情況，明日則會陪同茵茵一同登上「國際SOS」派駐有醫生及護士的醫療專機，全程護送茵茵前往台北榮民總醫院接受治療。

廣華醫院兒科顧問醫生吳國強稱，現時茵茵情況穩定，日間可以靠鼻喉提供三個小時的氧氣，但晚間仍須以呼吸機輔助。昨日除再次檢查沿途醫療儀器及急救用品外，並會讓茵茵父女「演習」機上情況，「因為爸爸陪茵茵上飛機，所以要模擬機上情況，爸爸瞓喺茵茵身邊，等父女早啲適應、有個準備！」

為讓茵茵就醫之旅順利成行，國泰航空特別向榮總兒科專家送出免費機位，以便來港了解茵茵情況並護送赴台，同時又安排茵茵母親乘搭與SOS醫療專機起發時間相近的航班，讓她可及時抵達台北為愛女打氣。

蔡太感謝安排外，已預備奶粉及奶樽，「茵茵一直插胃喉食奶，好少飲水！希望今次手術成功，可以即刻餵到水畀佢飲！」

無數善長繼續奉上祝福和鼓勵。兩子之母洪小姐大讚茵茵勇敢面對病魔，「茵茵個病咁嚴重，係一場持久戰！身為父母好辛苦，但都唔好放棄！」盧小姐亦寄上慰問卡，祝福茵茵要「撐住」康復過來，「茵茵樣子精靈，就是要讓大家知道她可以撐住！祝福她手術成功，陪伴你們度過每個寒暑！」

太陽報愛心基金及東方日報慈善基金已籌得茵茵往台就醫費用，善長繼續捐助之善款將作為茵茵長遠治療所需。讀者如有查詢，請致電3600 9988與本報記者聯絡。

捐款編號：911933

愛心承諾

徐　太：當初見到啲報道已經想捐錢，可惜一直喺外地唔知點捐！遲到好過冇到，依家返到嚟（香港）點都捐少少，出番一分力！

龐先生：健康最重要！雖然我啱啱辭職，但都捐五百蚊幫茵茵，祝佢早日康復出院！

梅小姐：茵茵終於可以出發，好開心！佢個病唔係一次手術搞得掂，仲要長期作戰，所以捐二百蚊支持佢！

查詢電話：1,417個

累積捐款：$1,603,425.7