早前介紹過中華總商會常務會董莊學山嘅外甥、匯能燈光主席Alastair林忠豪投資嘅環保匯能光管，早幾日咁啱喺中總酒會遇到莊學山，梗係要問吓佢有冇幫襯外甥嘅環保匯能光管啦，佢話：「梗係有啦！」對外甥創業表現得相當支持。
究竟莊學山有幾支持外甥呢？佢話無論係屋企、辦公寫字樓、內地廠房，以至社會企業廠房，都用晒Alastair嘅匯能光管，認為支持後生仔搞環保事業好有意義。
匯能光管係由本地發明家研發專利嘅「管中管」光管，利用納米反光片套住另一光管增加亮度，耗電量較傳統T8光管低六成，又比T5光管慳電三成，而且光管溫度低，每支光管壽命有一萬八千小時，非常耐用。
