政情：孫公拍拖快餐店歎西多

喺月初率團訪問完日本同韓國嘅教育局局長孫明揚，難得呢兩個星期放大假，都冇再外遊頻撲，寧願留喺香港攤抖吓。前日下午四點幾，我哋撞到孫公同孫太歎下午茶。佢哋話，去過金鐘廊內一啲餐廳睇過，可惜冇位，於是轉到遠東金融中心間大快活撐枱腳（圖），買咗兩杯咖啡同一件西多士兩份食，非常煙韌。

孫太話杯即磨咖啡唔錯，十蚊杯真超值，又話同孫公好少飲下午茶，但咁都畀記者遇到真係好彩喎！

為應屆會考生打打氣，請瀏覽on.cc東方互動《放榜無限分2010》專輯

30/07/2010