前晚喺香港中華總商會歡度一百一十歲生日嘅晚宴上，中總青年委員會一眾委員席間表演舞「花式龍」助興。負責舞龍頭嘅青委會主席Ricky曾智明同舞龍身嘅常委Thomas張俊勇，跟隨常委陳光明手上嘅龍珠舞動，歷時五至六分鐘，全場拍爛手掌。
Ricky、Thomas、陳光明等一班青委舞得有板有眼，原來喺一個月前跟夏國璋師傅個孫學咗四堂。據講第一堂係喺油麻地眾坊街空地練習，但由於無配套設施，所以Ricky就借出九龍塘大宅個花園，畀大家練埋餘下三堂，好彩最終不負眾望，成功演出。
據講，負責舞龍珠嘅陳光明「食過夜粥」，幾十年前跟過夏國璋師傅學過醒獅，難怪當晚舞龍珠舞得咁流暢啦！
