30/07/2010

播放本新聞相關短片

政情：蔡冠深老婆珊瑚胸針搶眼

日前喺一個酒會上遇見中華總商會會長蔡冠深嘅太太，見佢戴咗個好罕見嘅珊瑚胸針，相當特別。蔡太話，有次應奧地利珠寶商邀請，參觀佢哋喺香港珠寶展嘅攤位，佢一見到呢個色澤紅潤嘅珊瑚胸針就愛不釋手，桃紅色嘅珊瑚喺五、六個小巧嘅鵝黃色精石鑲嵌配襯下，顯得矜貴趣致，再加上一粒圓形同埋一粒淚滴形嘅南洋珠，同一般嘅珠寶鑽石嘅感覺好唔同。
  • 放大圖片

咁特別嘅配飾只賣幾萬港元，佢初時以為係歐元或美金，當堂覺得好抵，但又唔敢講出聲，費事畀老細坐地起價！佢仲話，佢媽咪都有留低一粒粒嘅珍貴珊瑚畀佢，但佢唔計較顏色，形態美最重要！

為應屆會考生打打氣，請瀏覽on.cc東方互動《放榜無限分2010》專輯