本文重點
呂迪明在荃灣區長大，是家中老大，有一弟一妹，父母是普通打工仔。她小時候已紮紮跳坐唔定，有很強表演欲，十三歲便膽粗粗參加荃灣區公屋歌唱比賽，從幾百名參賽者中脫穎而出，贏了冠軍。她也是運動健將，小學曾贏得葵青區校際跳高比賽亞軍。
樓價高企受害者
她嗜好多多，讀書時除了是田徑校隊外，也醉心話劇和繪畫，反而讀書成績麻麻，未能升讀大學，她本來想重讀，但父親力勸她發展其他興趣，鼓勵她報讀演藝：「呢方面我阿爸真係幾開通，我入演藝讀咗兩年文憑之後轉Degree，讀足五年，父母完全冇畀壓力我。」
近年樓價高企，她也是受害者。她與男朋友數年前已計劃在新界北區置業結婚，當時單位售價約一百五十萬元：「我哋儲咗四十幾萬首期，點知今年樓價係咁升，層樓已經升到二百幾萬，始終都係買唔起！」她最近轉抽居屋：「政府真係要好好檢討高樓價政策，啲樓咁貴，香港人真係供得好辛苦。」