Stanley兩公婆啱啱喺意大利旅行返嚟，此行目的有三個，就係睇嘢、買嘢同食嘢。佢話唔知係歐元貶值關係，定係當地經濟真係好差，啲嘢冇以前咁貴。好似名牌恤衫，香港賣千幾蚊，當地五百蚊就有交易；意大利西褲又係，香港閒閒哋三千幾蚊，但佢千零蚊就買到，所以佢掃咗好多貨返嚟。咁老婆係咪都大豐收？佢笑謂梗係啦！

平時見Stanley多數打紅色呔，但當日佢好罕有咁打咗條淺藍色Lanvin真絲靚呔，冷色系嘅感覺果然係清新啲，唔知係咪今次歐遊嘅戰利品呢？佢笑住話衣櫃入面嘅領呔唔係紅色就係藍色，咁樣顯得穩重啲喎！