超雲自年初同皮草太子爺Andy王大業拍拖後，幾乎每次都係孖公仔咁出席公開場合，雖然有指賭王對呢位未來女婿反應一般，但私底下超雲盡享男友對佢嘅公主式照顧。

相對於家姐，年紀較輕嘅超蓮同男友Jeremy則平民化得多。近日天氣持續炎熱，日前下晝四點幾，身穿吊帶連身短裙嘅超蓮，竟然唔介意同男友喺銅鑼灣鬧市行街，由銅鑼灣行到灣仔，再由灣仔行返去銅鑼灣，一樣面露笑容，完全冇「港女」性格搵男友出氣。