本文重點
項明生每個月都會去一次旅行，全球一百八十個國家，他已踏遍三分一，偏遠至伊朗、古巴也到過，八月他便會去北韓：「我喜歡睇每個地方嘅歷史文化，例如去到墨西哥，睇瑪雅文明遺址，直情有朝聖嘅感覺！」他撰寫的《足足五千年》，正是記載他走訪過的十八個國家，再由每國歷史串連起來的故事。
做四份兼職儲錢歐遊
首次出門，是大學一年級的暑假，短短四個月，他遊遍歐洲二十國：「我year one做四份兼職，就係要儲錢去歐洲，結果去到開學前一日先捨得返港，只係用咗一千美金咋！」最難忘是去到法國，他連樽裝水也沒錢買，只好溜進麥當勞洗手間飲水喉水：「畀個黑人職員撞見，我以為佢會鬧我，點知佢同我講呢啲水唔乾淨，特登喺廚房攞咗盤冰畀我，融咗我就可以當水飲。」這件事令他很感動，從此不再看輕有色人種。
單身的他至今沒成家立室念頭：「有家庭嘅話，就唔可以隨時孭起個背囊周圍去，做人有得必有失，我要發展自己嘅事業同興趣，自然冇咁多時間照顧家庭啦。」