本文重點
今年五月舉行嘅五區補選，本港納稅人要付出一億五千幾萬，近日啲候選人提交競選開支，陸續揭發啲政治捐款來龍去脈，同啲錢使咗去邊。翻查一下，有啲使費都好騎呢，亦因而透露咗候選人嘅生活小習慣，譬如公文袋副主席袋巾傑原來好貪靚。
黃永志申報生日會開支
袋巾傑畀市民嘅印象，一向都係斯斯文文，但同貪靚、護膚就唔多拉得上關係。不過，喺五月嘅補選中，袋巾傑嘅其中一項競選開支卻係買防曬霜，原來佢落區宣傳前，拿拿聲去便利店買番支七十蚊嘅防曬霜打底，費事曬到黑炭頭咁。
另一個騎呢申報，就要數獲得白鴿黨創黨主席李漢奸捐款資助嘅大專二○一二代表黃永志，佢嘅競選開支中，就有一項係一百五十蚊搞咗個生日會，點解生日會開支都要擺落競選開支度？真係令人摸不着頭腦！