周秀娜及同門師妹新舊八模合共十三人,今日將移師會展旁的金紫荊廣場舉行簽名會,但卻要粉絲到會場內寫真集攤位「攞籌」,四百個籌先到先得,勢必逼爆攤位,經理人公司已聘請八名保安沿途開路保護。
不少o靚模誓言要跟貿發局抗爭,備受爭議的上位o靚模「浸大E神」楊梓瑤(Carol),早前因影啜唧唧冰寫真遭網友炮轟甫士意淫,她決定今午四時踩場,到寫真售賣攤位睇檔,有六個人保護並穿上職員圍裙幫手賣書,粉絲要求簽名亦來者不拒。
妄攝女即場「撕」暴
曾麗儀(Debby)因拍攝在街頭被「撕」爆衫露Bra短片遭人狂插,她仍會聯同其餘四個「妄攝女」於今日下午三時半到書展派「撕」暴明信片。
「警鐘胸」模 Jessica C.今年第一次推出寫真集,已計劃在二十二日及二十六日下午到會展睇場及派糖,而在寫真中大玩Cosplay的尹蓁晞(Yumi)會於二十二日下午在六名保安保護下着Cosplay衫巡視會場。劉欣宜(E Cup Baby)及李蘊會於二十三日下午二時到攤位坐鎮。Donut(冬甩)今午二時亦會殺入書展派鎖匙扣及限量版海報。
新八模其中四個成員Betrys(江怡)、Hazel(徐熙素)、Suki(黃雪瑩)、Hidy(余曉彤)昨率先踩場,落手落腳為自己的處女寫真集幫手打點,四女合力捧書並擺放整齊。另傅穎(Theresa)昨日亦已行過書展,更在微博上載自己書展攤位中的超巨型海報。
周秀娜寫真集出版社「紅出版」行政總裁梁鈞浩稱,出版社並無安排o靚模踩場,但各o靚模「想像唔到佢哋會做咩㗎」!出版社亦為周秀娜推出價值三百四十八元的書展限量版火辣T恤連寫真集box set,勢必成為搶購焦點。
o靚模突襲蓄勢待發,貿發局副總裁周啟良昨率先表明不拒絕o靚模以市民身份入場,但期間會有相應行動,防止太多推廣造成滋擾或失控,包括勸喻收斂、再按情況升級為勸喻停止,甚至勸喻離場等三級措施。此外,「若果死都唔肯走,亦會有相應嘅嘢做」,當局雖不會限制o靚模入場的衣着,但呼籲她們自重。
傳統書商反攻o靚模
貿發局的辣招無損粉絲的熱情,有市民為盡快購買偶像的寫真集,並領取首一百名先到先得的附送相機帶,昨早十時已由荃灣趕到會展排隊,直言即使大風大雨亦會通宵輪候。
o靚模與貿發局大鬥法,傳統書商則以折扣吸客,更推出「另類書籍」,如有針對o靚模風氣、講述何謂真美的專書打對台、以iPhone apps(應用程式)形式的電子書、響應上海世博推出的中國古蹟立體書等。
香港書展2010詳情
展期: 2010年7月21日至27日
地點: 香港會議展覽中心
時間: 21日 09:00-22:00
22、25至26日 10:00-22:00
23至24日 10:00-24:00
27日 10:00-17:00
票價: 成人25元
小童10元(小學生/身高1.22米或以下小童)
上午進場票10元(必須於中午十二時前入場,即場售票)
3歲或以下小童及65歲或以上長者免費入場
熱線: 183 0670