李漢奸尋日出席完白鴿黨嘅集思會後承認，佢咁拖拖拉拉係對黨唔公平，亦都知佢一開始話考慮退黨，已對個黨造成好大傷害，但佢覺得自己一定要諗清諗楚，反思自己喺黨嘅影響力，先可以作出一個將來唔會後悔嘅決定，仲話大家鬧佢婆媽，佢都冇法子喎。

查實李漢奸近年吓吓同個黨打對台，反而去咗撐隔籬黨，佢喺黨內嘅影響力已大減，佢就算退黨，都冇乜「殺傷力」。好明顯，李漢奸聲言退黨係玩死自己，依家騎虎難下，唔知點轉軚留低，或者等黨員挽留佢啩！不過佢尋日亦自爆話喺會上冇人利用自己嘅發言時間，去說服佢留低。