維園職員唔知有救護室

維多利亞公園每日使用人數眾多，但職員竟不知公園內有救護室。記者日前在維園目擊一名扭傷腳部及疑中暑的市民向園內職員求助，職員直指園內沒有救護室，只帶該名市民到職員辦公室，着對方以冰袋敷腳。

石硤尾 公園的體育館雖設有救護室，但與公園的球場相距一條逾二百米的斜坡。

林先生 個公園咁大，依家啲天氣又咁熱，不時睇到有老人家唔舒服，有個救護室梗係好啲啦！

至於香港公園及香港動植物公園，前者雖內設救護室，但職員同樣沒有採用，一名聲稱中暑的市民到香港公園的辦公室求助，職員說：「我哋唔識急救，最多只係幫你call（電召）白車！」而動植物公園職員對於有市民表示不適，其反應是「最多幫你call白車！」未有提供其他協助。

何小姐 我成日都會帶個仔去公園玩，依家天氣咁熱，都擔心若果個仔有咩事，都唔知搵邊個！

謝小姐 我同個女成日都會去公園玩，有次個女跌親，都係我自己報警，公園都搵唔到人幫！

去救護室要跑200米斜坡

另外荔枝角公園的職員遇到不適市民時，職員只叫該名市民「喺廁所抖吓」；馬鞍山公園內亦沒有救護室及去顫器配備。石硤尾公園內雖設有救護室，不過卻與館外的公園球場相距一條逾二百米斜坡，有市民直指：「個救護室咁遠，如果有咩事，都行唔到去囉！」

立法會民政事務委員會委員陳克勤指出，大型公園沒有相關急救設備，令市民欠缺保障。陳指出，年多前曾向相關部門要求在「高危區」，如運動場所、大型公園甚至立法會等地加設去顫器，惟至今未有下文。

康文署發言人表示，該署轄下有一千五百多個公園、花園及休憩處，當中有一百五十二個較大型公園設置救護室或一般救傷設備。發言人補充，維園、香港公園及石硤尾公園均設有救護室及一般救傷設備，而動植物公園、荔枝角公園及馬鞍山公園則有一般救傷設備，該署正積極研究在康樂場地提供心臟去顫器。