本文重點
前日馬季煞科，旅遊發展局總幹事Antony劉鎮漢趁抖暑前夕，特登入去馬場參觀，仲由馬會行政總裁應家柏同公司發展事務執行總監麥建華（Kim）親自介紹馬場遊客設施。
其實同行仲有旅發局主席田北俊，但田少係馬場常客，已經非常熟路，唔使點樣介紹咯。
十蚊一注派四百六十蚊
阿Kim仲好雀躍咁爆料，話Antony都有落注買三T，仲過埋頭兩關，中咗安慰獎添！Antony話其實只係湊熱鬧落注百幾蚊玩吓，只係知自己咁好彩中獎，但贏幾多就唔清楚嘞。
事後幫Antony計數，禮拜三夜馬煞科戰，三T場次賽果都算正路，頭兩關都係熱門勝出，所以唔少馬迷中獎，三T安慰獎每十蚊一注只係派四百六十蚊，扣除百幾蚊本金都算唔錯，相信佢都唔會介意嘅。